Plantun de Prouvènço

Pèr coumpara dos planto d'encò nostre

Lathyrus incurvus & Asparagus acutifolius

Lathyrus incurvus

Fabaceae Leguminosae

Nom en français : Gesse à gousses incurvées.

Descripcioun :
Aquelo jaisso, que nous vèn d'Asìo centralo, trachis au nostre soulamen en Camargo. Douno d'èr à la raro jaisso-de-palun, lathyrus palustris. Pamens se n'en destrìo emé si fueioun mens prim emé lou bout redoun (e mai noumbrous), sis estipulo pu pichoto, sis alo de flour blanco e peréu si dóusso qu'an la baneto enarcado.

Usanço :
Couneissèn pas d'usanço particuliero pèr aquelo planto. Ramentan qu'èi pas counseia de manja li grano, que soun empouisounanto e dounon uno malautié néuroulougico, lou latirisme (presènci d'ODAP).

Port : Grando erbo
Taio : 50 à 120 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Lathyrus
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : 1,5 à 2 cm
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun
Mai à setèmbre

Liò : Prado - Palun
Estànci : Mesoumediterran
Couroulougi : Siberiano
Ref. sc. : Lathyrus incurvus (Roth) Willd., 1802

Espargo-fèro

Asparagus acutifolius

Asparagaceae

Àutri noum : Aspàrgou, Espargasso, Roumanin-couniéu, Roumiéu-couniéu, Pèd-de-Róumi.

Nom en français : Asperge sauvage.

Descripcioun :
L'espargo-fèro es uno planto bèn couneigudo de nòsti garrigo e éusiero. A la fin de l'ivèr sort de terro, èi lou moumen de l'acampa ! Pièi la tijo devèn duro coume uno co-rudo. Flouris tardié, raramen avans juliet.

Usanço :
Coume l'avèn di, s'acampo à la primo pèr li meleto. La planto èi proun bono pèr la santa, richo en vitamino (A, B, C, PP...) e en sau mineralo (P, Mn...). Fai pissa (óudour de 1,2-ditiole) e es un pau lachativo.